I Ørsta kommune er det snarast ledig 100% fast stilling som VVA- ingeniør. Stillinga er plassert i seksjon tekniske tenester, p.t. med eining kommunalteknikk som tenestestad. Stillinga er plassert i kap.5, stillingskode 8084. Arbeidsvilkår elles i samsvar med gjeldande lov- og avtaleverk.
Eining Kommunalteknikk skal sørgje for grunnleggande tenester innan vassforsyning, transport og reinsing av avløpsvatn. Avdelinga har i dag ansvar for 4 vassverk, 3 avløpsanlegg, 18 pumpestasjonar for kloakk og 10 pumpestasjonar for vatn, samt 360 km. leidningsnett. Nytt reinseanlegg for hovudkloakk for Ørsta sentrum vert ferdigstilt våren 2016. Kommunalteknikk driftar om lag 173 km med offentleg veg.
Arbeidet vårt byggjer på kommunen sine verdiar
Tillit – gjennom gjensidig respekt, forståing og likeverd
Energi – gjennom entusiasme, inkludering og humor og glede
Løysingsvilje – gjennom lagånd, tydelege mål og meiningsfylte oppgåver
Utvikling – gjennom medverknad, tilbakemelding og verdsetjing av kunnskap
Gruppe for prosjektstyring består av tre avdelingsingeniørar innan veg, drift vatn og anlegg VVA, samt einingsleiar. Kommunalteknikk har fokus på eit godt arbeidsmiljø som skal gje Ørsta kommune betre og meir effektiv tenesteproduksjon. For å nå våre mål og ambisjonar innan veg, vatn og avløp, søkjer vi å styrke vår avdeling med ein dyktig og entusiastisk ingeniør.
Oppfølging av prosessen med ny hovudplan VVA vil vere ei prioritert oppgåve for stillinga. Stillinga vil også fylgje opp vår investeringsportefølje, og du vil ha ulike roller som både utredar, planleggar, prosjektleiar og byggeleiar. Stillinga vil inngå i gruppe for prosjektstyring og rapporterer direkte til einingsleiar. Rett kandidat vil få interessante arbeidsoppgåver i eit sosialt og fagleg miljø. Det vil vere rom for fagleg utvikling med mange ulike oppgåver.
Krav til søkjaren:
- skal ha utdanning som ingeniør på høgskulenivå, bachelorgrad.
- må ha sertifikat kl. B
Vi vil særleg leggje vekt på at den som vert tilsett :
- har relevant arbeidserfaring innan veg, vatn og avløp
- har god evne til skriftleg og munnleg framstilling. Kommunen nyttar nynorsk som målform.
- er utviklingsorientert, serviceinnstilt og har gode samarbeidseigenskapar
- kan tenke heilskapleg og kunne arbeide målretta, systematisk og sjølvstendig
- har god evne til å gjennomføre prosessar.
Søkjarane vert vurderte ut frå ei heilskapsvurdering.
Vi kan tilby:
- fleksibel arbeidstid
- gode vilkår for utvikling
- gode ordningar for pensjon, lån og forsikring i KLP
Nærare informasjon om stillinga får du ved å vende deg til einingsleiar Ulf Kristian Rognstad, tlf.951 55 275, e-post: ulf.kristian.rognstad@orsta.kommune.no.
Referansar vert nytta, og aktuelle søkjarar kan verte kalla inn til intervju. Gruppeintervju kan verte aktuelt å nytte.
Ved intervju og ved tilsetjing skal det leggjast fram rettkjend dokumentasjon av vitnemål og attestar. Dette dannar grunnlag for fastsetjing av ansiennitet og rett avlønning.
Tilsetjing skjer elles på dei vilkår og med dei rettar som går fram av gjeldande tariffavtalar og kommunale reglement. Kommunen har pensjons- og forsikringsordning i KLP for dei tilsette.
Vi ber deg nytte det elektroniske søknadsskjemaet, som du finn lenke til på heimesida. Kontakt servicekontoret dersom du ønskjer å få tilsendt søknadsskjema på papir. Gjer vel å føre opp saksnummer og ID-nummer dersom du nyttar papirskjema.
Framlegging av vitnemål og attestar saman med søknaden, er ein føresetnad for best mogleg sakshandsaming. Kopiar av vitnemål og attestar skal sendast som e-post i ei pdf-fil til postmottak@orsta.kommune.no eller til Ørsta kommune, Dalevegen 6, 6153 Ørsta.
Søknaden med vedlegg vert ikkje returnert. Desse vert makulerte etter tilsetjing.
Sak nr. 2016/973
ID nr. 940
Kontakt
Ulf Kristian Rognstad
Einingsleiar kommunalteknikk
70 04 97 68
ulf.kristian.rognstad@orsta.kommune.no
Om offentleg søkjarliste
I samsvar med offentleglova § 25, kan opplysningar om søkjaren unnatakast offentleg søkjarliste, dersom søkjaren sjølv oppmodar om det. Den som ønskjer at namnet skal vere unnateke offentleg søkjarliste, må grunngje dette. Søkjaren sine behov vil verte vurdert konkret opp mot omsynet til offentleg interesse og kravet om ålment innsyn. Elles vil oppmodinga verte vurdert i høve til prinsippet om meirinnsyn på vanleg måte. Dersom kommunen meiner at det ikkje er grunnlag for fritak, vil søkjaren verte kontakta og få tilbod om å trekkje søknaden før endeleg søkjarliste vert laga.